ဗလစ်ဗလစ် စကားပြောတတ်သော လူများ (ဆရာကြီးရွှေဥဒေါင်း)

Posted on Posted in အဆိုအမိန့်

 

” ဗလစ်ဗလစ် စကားပြောတတ်သော လူများ “
ဆရာကြီးရွှေဥဒေါင်း
ဆရာကြီးရွှေဥဒေါင်း


ကျွန်ုပ်သည် ဗလစ်ဗလစ် စကားပြောတတ်သော လူများကို ချဉ်းကပ်၍ ၄င်းတို့၏ ရည်ရွယ်ရင်းစိတ်ထားကို လေ့လာသုံးသပ်ကြည့်၏။

အချို့လူများသည် အထိုက်အလျောက် ပြောရေးဆိုစကလေး ရှိသည်ဆိုလျှင်ပင် အစည်းအဝေးကြုံတိုင်း ထ၍ပြောချင်တတ်၏။ မပြောဘဲ နှုတ်ဆိတ်နေလိုက်သည်ဆိုလျှင် မိမိအား အခြားလူများက မသိနားမလည်သော လူတစ်ယောက်ဟူ၍ မှတ်ထင်သွားကြမည်ဟု ယူဆတတ်ကြ၏။ ထိုသို့သော လူများကား အထိုက်အလျောက် ပြောတတ်သောကြောင့် နားခံသာ၍ ကိစ္စမရှိ ထားဘိဦး၊ ၄င်းတို့ကို အားကျပြီး ခဏခဏ ထ၍ပြောသော လူစားတစ်မျိုးလည်း ရှိသေး၏။

ထိုလူများက လောကတွင် ပြောရေးဆိုစရှိပါမှ လူရာဝင်သည်၊ လူတွင်ကျယ် ဖြစ်နိုင်သည်၊ အတွင်းရေးမှူးဖြစ်နိုင်သည်ဟု နားလည်ကြသည့် လက္ခဏာနှင့် အစည်းအဝေးများသည် ၄င်းတို့၏ လေ့ကျင့်ရာဌာန (Training Ground) ဖြစ်သည်ဟု သဘောပိုက်ကာ လူစုစုမြင်တိုင်း ထ၍ စကားပြောတတ်ကြ၏။ ထိုလူစားမျိုးတို့၏ စကားများမှာ အများအားဖြင့် ငြီးငွေ့ဖွယ်ဖြစ်ရာ မပြောဘဲလည်း ပြီးနိုင်ပါလျက် တစ်ကြိမ်မက ထ၍ပြောခြင်းများလည်း ကြုံရဖူး၏။ ပြောဖန်များ၍ စကားတတ်ဖြစ်လာကြလျှင်ကား မဆိုနိုင်၊ ကျွန်ုပ်မှာကား ထိုလူများကို မြင်ခြင်းဖြင့် သံဝေဂ ဖြစ်မိသည်။

(စကားနည်းသူတစ်ယောက် ဖြစ်လာရပုံ ဆောင်ပါးမှ …ကောက်နုတ်ဖော်ပြပါသည်။)

ရှုခင်းသစ်