အခုရှုပ်မှနောင်ရှင်း (သရ၀ဏ် -ပြည်)

Posted on Posted in သမိုင်းရေစီး, သူ့ဘဝ၊သူ့ရှုခင်း

“…. ဗိုလ်ချုပ်မှူးကြီး သန်းရွှေ (ငြိမ်း)၏ ပင်စင်လစာမှာ တစ်လလျှင် ကျပ် သိန်း(၁၀၀)၊ ဒုတိယဗိုလ်ချုပ်မှူးကြီး မောင်အေး (ငြိမ်း) မှာ တစ်လလျှင်

ကျပ်သိန်း (၈၀) ခံစားခွင့် ရှိသည်ဟု ဆို၏။ ၂၀၀၈- ဖွဲ့စည်းပုံ အခြေခံဥပဒေ အခန်း (၃) ပုဒ်မ (၅၈)တွင် နိုင်ငံတော်သမ္မတသည် ပြည်ထောင်စု

သမ္မတ မြန်မာနိုင်ငံတော်တစ်ဝန်းလုံး တွင် နိုင်ငံသား အားလုံး၏ အထွတ်အထိပ်နေရာရရှိသည် ဟုဖော်ပြပါရှိ၏။ ထိုသို့ဆိုလျှင် ဖွဲ့စည်းပုံဥပဒေ

အရ နိုင်ငံတော်၏အထွတ်အထိပ်ဖြစ်သည်ဟုဆိုသော သမ္မတဦးသိန်းစိန်က လုပ်ခလစာ တစ်လလျှင် သိန်း(၅၀) ပဲရနေပါလျက် ….”

 

အခုရှုပ်မှနောင်ရှင်း

သရ၀ဏ်(ပြည်)

 

thayawan designကျွန်တော် ကြံ့ခိုင်ဖွံ့ဖြိုးရေးပါတီထဲသို့ ၀င်တော့မည်။

ဘယ်သူတွေ ဘာထင်ထင် ကျွန်တော်ဝင်မည်။ ဒီခေတ်မှာနိုင်ငံရေး ပါတီ တစ်ခုတော့ နောက်ခံ ရှိထားမှဖြစ်မည်။ သူများတွေဝင်သောပါတီထဲသို့ လည်း အုတ်အရောရော ကျောက်အရောရော သူများလုပ်တိုင်း လိုက်လုပ် ကာ ရောတိရောရာ မလုပ်ချင်။ ကိုယ်ထင်တာကိုယ်လုပ်တာ ကျွန်တော့် ၀ါသနာဖြစ် သည်။ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီကို ကျွန်တော် ကြိုက်သည်။ ယခင် ပါတီဥက္ကဋ္ဌဦးသိန်းစိန်သည် လာဘ်မစားဘူးဟု နာမည်ကျော်ကြားသော Mr. Clean ဖြစ်သည်။ ယခုပါတီဥက္ကဋ္ဌဖြစ်သူ၊ သူရ ဦးရွှေမန်းသည် တိုင်းပြည်ကောင်းအောင်လုပ်နိုင်မည့်သူ တစ်ဦးဖြစ်သည်ဟု ကျွန်တော်ယုံသည်။ ထို့ကြောင့် ပါတီသို့ ကျွန်တော်ဝင်မည်။ သို့သော် ကျွန်တော်သည် ဉာဏ်ရည်နုံ့နဲ့သူဖြစ်သည်။ ကြံ့ခိုင်ဖွံ့ဖြိုးရေးပါတီနှင့်ပတ်သက်လာလျှင် ကျွန်တော်မရှင်းလင်းသော၊ မည်သို့မျှ မစဉ်းစားတတ်သော ကိစ္စလေးအနည်းငယ်ရှိသည်။ မေးခွန်း အနည်းငယ် ရှိသည်။

ခုရှုပ်မှ နောင်ရှင်းဆိုသလို ထိုကိစ္စများကို သက်ဆိုင်ရာပါတီခေါင်းဆောင်များမှ ကျွန်တော်သဘော ပေါက်နားလည်လာအောင် ရှင်းပြနိုင်ပါက အလွန်ကျေးဇူးတင်မိပေ မည်။ ရှင်းပြမည်ဟုလည်း ယုံ ကြည်မျှော်လင့်ပါသည်။ ထိုအခါ ကျွန်တော်သည် ပါတီထဲသို့ဝင်ရန်သာ ရှိပါတော့သည်။
ပထမအချက်အနေဖြင့် ကျွန်တော်မေးလိုသည်မှာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်း နှင့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် အတူတူပဲလား ဟူသော မေးခွန်း ဖြစ်ပါသည်။ အဘယ့်ကြောင့်ဆိုသော် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းသည် အစိုးရပိုင်အသင်းကြီး ဖြစ်ခဲ့သည်။ အစိုးရပိုင်အသင်းဖြစ်စဉ်က အသင်းပိုင်ရုံးခန်းများ၏မြေနေရာနှင့် အဆောက်အဦ အား လုံးသည် နိုင်ငံတော်ဘဏ္ဍာငွေဖြင့် တည်ဆောက်ထားသော ရုံးခန်းများဖြစ်သည်။ ထိုသို့ နိုင်ငံ တော်ပိုင်မြေနှင့်ရုံးများသည် အသင်းကြီးအဖြစ်မှ နိုင်ငံရေးပါတီတစ်ခုအဖြစ်သို့ ပြောင်းလဲလိုက် သောအခါ နိုင်ငံတော်ပိုင်ပစ္စည်းများ ကို နိုင်ငံတော်သို့ ပြန် အပ်ရမည်ဖြစ်သည်။ နိုင်ငံရေးပါတီ ဆိုသည်မှာ နိုင်ငံတော်ပိုင်မဟုတ်သဖြင့် ယခင်နိုင်ငံတော်ပိုင်အသင်းကြီး၏မြေနေရာ၊ ဘဏ္ဍာငွေ၊ အဆောက်အဦ၊ လက်ကျန်ငွေ၊ စီးပွားရေးလုပ်ငန်းစသည်များကို တစ်ခုမကျန် နိုင်ငံတော်သို့ ပြန် အပ်ရပေမည်။ ပြည်သူတို့၏ချွေးနည်းစာဖြစ်သော နိုင်ငံတော်ဘဏ္ဍာငွေသည် ပါတီတစ်ခုအတွက် သုံးလို့ရမရ ကျွန်တော်သိချင်သည်။

ထို့ကြောင့် ကြံ့ခိုင်ရေးအသင်းကြီး၏မြေများ၊ တိုက်များ၊ ရုံးခန်းများ၊ စီးပွားရေးလုပ်ငန်းများကို ပြည် ခိုင်ဖြိုးပါတီက မိဘအမွေသားသမီး ဆက်ခံသလိုယူလိုက်ခြင်းမှာ တည်ဆဲဥပဒေနှင့် ညီမညီ၊ နိုင်ငံ တော်အေးချမ်းသာယာရေးနှင့် ဖွံ့ဖြိုးရေးကောင်စီသည် ပြည်သူပိုင်ပစ္စည်းများကို နိုင်ငံရေးပါတီ တစ်ခုသို့ ကိုယ့်သဘောနှင့်ကိုယ် ပေးပိုင် ခွင့်ရှိမရှိ၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် နိုင်ငံပိုင်ပစ္စည်းကိုပါတီအတွက်လွှဲပြောင်းရယူပိုင်ခွင့် ရှိမရှိ ကျွန်တော်သိလိုပါသည်။

ဒုတိယသိလိုသည်မှာ အသင်းကြီးကိုစတင်တည်ထောင်သူ နာယကကြီးဖြစ်သော အငြိမ်းစား ဗိုလ် ချုပ်မှူးကြီး သန်းရွေအကြောင်း ဖြစ်သည်။ ပြည်ခိုင်ဖြိုးပါတီသည် ပြည် ခိုင်ဖြိုးအသင်းမှ ဆင်းသက် လာသည်ဖြစ်ရာ အသင်းကြီး၏မူလစတင်တည်ထောင်သူတစ်ယောက်အကြောင်းကို ပါတီက ရှင်း ပြနိုင်လိမ့်မည်ဟု ယူဆ၍ မေးရခြင်းဖြစ်ပါ သည်။ ကျွန်တော်သိလိုသည်မှာ ဗိုလ်ချုပ်မှူးကြီးသန်းရွှေ (ငြိမ်း) ယခုနေနေသော အိမ်တော်ဟုခေါ်သည့် နေပြည်တော်မှမြေနေရာနှင့် အဆောက်အဦသည် သူ့ချွေးနှဲ စာဖြင့် လစာဝင်ငွေထဲမှ စုဆောင်းကာ ဆောက်လုပ်ထားခြင်းလော၊ သို့တည်းမဟုတ် နိုင်ငံတော်ပိုင်ဘဏ္ဍာငွေများဖြင့် ဆောက်လုပ်ထားခြင်းလော မရှင်းသဖြင့် မေးချင် ပါသည်။

သူ့ငွေဖြင့်သူ ဆောက်လုပ်ထားပါသည်ဟု တစ်ခွန်းဖြေလျှင်ဘာမှစောဒကတက်၍ ရှေ့ဆက် မမေး တော့ပါ။ သို့သော် နိုင်ငံတော်ဘတ်ဂျက်ငွေဖြင့် ဆောက်ထားပါသည် ဆိုလျှင် မရှင်းတာလေး အနည်းငယ်ရှိပါသည်။ နိုင်ငံတော်ဝန်ထမ်းတစ်ယောက်အား တာဝန်ထမ်းဆောင် စဉ်ပေးထားသောအိမ်သည် သက်ပြည့်ပင်စင်ယူ၍ (အမှန်မှာ သက်ကျော်ပင်စင်ဟုပင် ပြောရမလိုဖြစ်ပေသည်။ စကားချပ်။။) ရာထူးမှအနားယူသွားသောအခါ ထိုအိမ်တွင်ဆက်နေ၍ရမရ သိလိုပါသည်။ နိုင်ငံတကာတွင် အမေရိကန် သမ္မတအဆက်ဆက်သည်ရာထူးမှ နှစ်စေ့၍ဆင်းသွားသောအခါ အိမ်ပေါ်မှ ဆင်းပေးရပါ သည်။ နောက်သမ္မတနေရန် အိမ်အသစ်ထပ်ဆောက်ရရိုး ထုံးစံမရှိပါ။ အိမ်ဖြူတော် သည် လေးနှစ်တစ်ခါ (သို့မဟုတ်) ရှစ်နှစ်တစ်ခါ သမ္မတများပြောင်းနေပါသည်။ ဗြိတိန်တွင်လည်း ၀န်ကြီးချုပ်အသစ် တက်လာသောအခါ ၀န်ကြီးချုပ်ဟောင်း သည် လန်ဒန်မြို့ အမှတ် (၁၀ ) ဒေါင်း နင်းလမ်းနေအိမ်မှ ထွက်ခွာပေးကြရစမြဲ ဖြစ်သည်။
မြန်မာနိုင်ငံတွင်လည်း တပ်မတော်သားဝန်ထမ်းများသည် အသက် (၆၀) ပြည့်၍ပင်စင်ယူသောအခါ ရရှိထားသောလိုင်းခန်း (သို့မဟုတ်) အရာရှိအိမ်ရာကို စစ်တပ် သို့ ပြန်အပ်ရပါသည်။ က.ပ.စ တွင်အလုပ်လုပ်သော ကျွန်တော်၏မိတ်ဆွေ တပ်မတော်သားတစ်ဦးသည် ပင်စင်ယူသောအခါ နေစရာမရှိတော့သဖြင့် သူတို့မိသားစုထဲမှ တစ်ယောက်ကို အလုပ်ထဲတွင်ပြန်သွင်းထားပြီးမှ ထို အိမ်ရာကိုပြန်နေခွင့်ပြုရန်လျှောက်လွှာတခါပြန်တင်ကာ ဘောင်ဝင်အောင် ဆောင်ရွက်ရပါသည်။
အခြားအရပ်ဘက်ဝန်ထမ်းများလည်း ထိုနည်းနှင်နှင် ဖြစ်ပါသည်။ ၀န်ထမ်းဘ၀ကရခဲ့သော အိမ် သည် ပင်စင်ယူသောအခါ အပြီးအပိုင်ရလိုက်သည်ဟူ၍လည်း မကြားဘူးပါ။ ထို့ကြောင့် တပ်ချုပ် ကြီး(ဟောင်း)၏အိမ်သည် ကိုယ်ပိုင်အိမ်လား၊ နိုင်ငံတော်ပိုင်အိမ်လား သိလိုခြင်းဖြစ်ပါသည်။
ဒုတိယတစ်ချက်သိလိုသည်မှာ ပင်စင်လစာကိစ္စ ဖြစ်ပါသည်။ ၂၀၁၁- ခုနှစ် မတ်လ (၃၁)ရက်နေ့မှ စ၍ ပင်စင်ဦးစီးဌာနမှစ၍ ခံစားခွင့်ပြုလိုက်သည့်ပင်စင်လစာငွေများမှာ ဗိုလ်ချုပ်မှူးကြီး သန်းရွှေ (ငြိမ်း)၏ ပင်စင်လစာမှာ တစ်လလျင် ကျပ် သိန်း(၁၀၀)၊ ဒုတိယဗိုလ်ချုပ်မှူးကြီး မောင်အေး (ငြိမ်း) မှာ တစ်လလျှင် ကျပ်သိန်း (၈၀) ခံစားခွင့် ရှိသည်ဟု ဆို၏။ ၂၀၀၈- ဖွဲ့စည်းပုံ အခြေခံဥပဒေ အခန်း (၃) ပုဒ်မ (၅၈)တွင် နိုင်ငံတော်သမ္မတသည် ပြည်ထောင်စုသမ္မတ မြန်မာနိုင်ငံတော်တစ်ဝန်းလုံး တွင် နိုင်ငံသား အားလုံး၏ အထွတ်အထိပ်နေရာရရှိသည် ဟုဖော်ပြပါရှိ၏။ ထိုသို့ဆိုလျှင် ဖွဲ့စည်းပုံ ဥပဒေအရ နိုင်ငံတော်၏အထွတ်အထိပ်ဖြစ်သည်ဟုဆိုသော သမ္မတဦးသိန်းစိန်က လုပ်ခလစာ တစ်လလျှင် သိန်း(၅၀) ပဲရနေပါလျက် အထွတ်အထိပ် မဟုတ်တော့သောပုဂ္ဂိုလ်တစ်ယောက်၏ပင်စင်လစာငွေမှာ အထွတ်အထိပ်ထက် နှစ်ဆများနေသည် မှာ ဖွဲ့စည်းပုံအခြေခံဥပဒေနှင့် ညီ ညွတ်ခြင်းရှိမရှိ၊ ဖွဲ့စည်းပုံအခြေခံဥပဒေကို ချိုးဖောက်ရာရောက်မရောက် သိရှိလိုပါသည်ခင်ဗျား။

 

“….ဗိုလ်ချုပ်မှူးကြီးသန်းရွှေ၏ပင်စင်မယူမီကလစာမှာ တစ်လလျှင် သိန်း(၁၀၀) ဖြစ်ခဲ့လျှင်တော့ ပင်စင်ကြေးသိန်းတစ်ရာဆိုတာရော၊ လုပ်သက်ခံစားခွင့်  (Gratuity) သိန်း (၂၃၀၀) ဆိုတာရော စာရင်းကိုက်ပါသည်။ သို့သော် ပြဿနာမှာ ဗိုလ်ချုပ်မှူးကြီးတို့ ယခင်ကလစာ ဘယ်လောက်ယူခဲ့ပါသည် ဟု နိုင်ငံတော်ပြည်သူများကို တစ်ခါမှလူရာသွင်း၍ မကြေညာခဲ့ခြင်းဖြစ်သည်။ ထို့ကြောင့် ကျွန်တော်သိလိုသည်မှာ ပြည်ခိုင်ဖြိုး အသင်းကြီး၏ မူလ တည်ထောင်သူ နာယကကြီး ဦးသန်းရွှေ၏…”

 

တဖန် နိုင်ငံရေးဆုငွေ ( အရပ်အခေါ် ဂရယ်ဂျူတီကြေး) ချီးမြှင့်ရာတွင်လည်း အငြိမ်းစား ဗိုလ်ချုပ် မှူးကြီးသန်းရွေ၏ခံစားခွင့်မှာ သိန်းပေါင်း(၂၃၀၀) ဖြစ်သည်ဟု သိရပါ သည်။ ထိုကိစ္စသည် ကောလဟလလား တကယ်လား သိလိုပါသည်။ တကယ်ဖြစ်ပါက Gratuity ကြေး သိန်း (၂၃၀၀) ရအောင် တွက်လိုက်သော တွက်နည်း စနစ်ကို သိလိုပါသည်။ သာမန်အားဖြင့် ၀န်ထမ်းများအငြိမ်းစားယူ သောအခါ Gratuity (ခေါ်) လုပ်သက်ခံစားခွင့် တွက်ချက်သောပုံသေနည်းမှာ ကျွန်တော်သိ သလောက် အောက်ပါအတိုင်း တစ်နိုင်ငံလုံးတွက်ကြပါသည်။

အငြိမ်းစားမယူမီနောက်ဆုံးရခဲ့သော လစာ x လုပ်သက် ÷ ( ၂ ) ဖြစ်ပါသည်။ ဤနည်းဖြင့် တွက် ချက်ပါက ဗိုလ်ချုပ်မှူးကြီးသန်းရွှေ၏လုပ်သက်ကို (၄၅) နှစ်ဖြင့် စဉ်းစား၍တွက်ချက်လျှင် သူ၏ မူရင်းလစာမှာ တစ်လလျှင်သိန်း (၁၀၀) ရှိပါမှ ဂရယ်ဂျူတီကြေး သိန်း ၂၃၀၀ ခန့်ရပေလိမ့်မည်။ ထို့ကြောင့် ဗိုလ်ချုပ်မှူးကြီးသန်းရွှေ၏မူရင်း လစာမှာ တစ်လသိန်းတစ်ရာလား၊ ထိုသို့သိန်းတစ်ရာ လစာရခဲ့လျှင် ပင်စင်ကြတော့ ဘယ်လိုလုပ် တစ်လသိန်းတစ်ရာဖြစ်သွားသလဲမရှင်းပေ။ ပင်စင်တွက်နည်း မှာ နောက်ဆုံးရလစာကိုလုပ်သက်နှင့်မြှောက်ပြီး တပ်မတော်သားဆိုလျှင် (၅၀) နှင့် စားရပါသည်။ အရပ်ဘက်ဝန်ထမ်းဆိုလျှင် (၇၀) နှင့် စားရပါသည်။ တစ်လလျှင် ယခင်ကလစာ သိန်း (၁၀၀)ရခဲ့လျှင်တော့ လုပ်သက် (၄၅)နှစ်နှင့်မြှောက်ကာ (၅၀) နှင့်စားလိုက်သောအခါ သိန်း (၉၀) ရပါသည်။ တွက်နည်းတွင် တပ်မတော်သားများ အတွက် မူရင်းလစာနှင့်အတူ အရည် အချင်းလစာ၊ နှစ်တိုး၊ အိမ်ငှားခများပါ ထပ်ထည့်လေ့ရှိရာ ဤသိန်း(၉၀) မှ သိန်း(၁၀၀) ရသွား သည်ဆိုလျှင် ဖြစ်နိုင်ပါသည်။
ဆိုလိုသည်မှာ ဗိုလ်ချုပ်မှူးကြီးသန်းရွှေ၏ပင်စင်မယူမီကလစာမှာ တစ်လလျှင် သိန်း(၁၀၀) ဖြစ်ခဲ့လျှင်တော့ ပင်စင်ကြေးသိန်းတစ်ရာဆိုတာရော၊ လုပ်သက်ခံစားခွင့်  (Gratuity) သိန်း (၂၃၀၀) ဆိုတာရော စာရင်းကိုက်ပါသည်။ သို့သော် ပြဿနာမှာ ဗိုလ်ချုပ်မှူးကြီးတို့ ယခင်ကလစာ ဘယ်လောက်ယူခဲ့ပါသည်ဟု နိုင်ငံတော်ပြည်သူများ ကိုတစ်ခါမှ လူရာသွင်း၍ မကြေညာခဲ့ခြင်းဖြစ်သည်။ ထို့ကြောင့် ကျွန်တော်သိလိုသည်မှာ ပြည်ခိုင်ဖြိုးအသင်းကြီး၏မူလတည်ထောင်သူ နာယကကြီး ဦးသန်းရွှေ၏ ပင်စင်မယူခင်က ခံစားခဲ့သော တရားဝင်လစာသည် တစ်လလျှင်သိန်း (၁၀၀) ကျပ် ဟုတ်မဟုတ် သိလိုပါသည်။ မဟုတ်ခဲ့လျှင် ပင်စင်နှင့် ဂရယ်ဂျူတီကြေးကို မည်သည့် တွက်နည်း ဖြင့် တွက်လိုက်သလဲဆိုတာ သိလိုပါသည်။ ဟုတ်ခဲ့လျှင် လုပ်ခလစာ တစ်လလျှင် ကျပ်သောင်း ဂဏန်းဖြင့် တစ်နိုင်ငံလုံးနှစ်ပေါင်းများစွာ ပင်ပန်းဆင်းရဲနေချိန် တွင် ဤမျှများသောလစာကို မည် သည့်အချိုးချလစာစနစ်ဖြင့် ရယူခဲ့သလဲ သိလိုပါသည်။

 

နောက်တခုသိလိုသည်မှာလည်း ပြည်ခိုင်ဖြိုးဥက္ကဋ္ဌဟောင်းနှင့် ဥက္ကဋ္ဌသစ်၏ပင်စင်လစာအကြောင်း ဖြစ်သည်။ တပ်မတော်ပင်စင်လစာအဖြစ် ပြည်ခိုင်ဖြိုးပါတီဥက္ကဋ္ဌဟောင်း လက်ရှိနိုင်ငံတော်သမ္မတ ကြီးဦးသိန်းစိန်သည် တစ်လ ကျပ်သိန်း(၅၀)ပင်စင်ရသည်ဟု သိရပါသည်။ လက်ရှိ ပါတီဥက္ကဋ္ဌ လည်းဖြစ် ပြည်ထောင်စုလွှတ်တော်နာယကလည်းဖြစ်သူ သူရဦးရွှေမန်းသည်လည်း ပင်စင်လစာ တစ်လ သိန်း(၅၀) ဟု သိရပါသည်။ ထိုမှတဖန် လက်ရှိသမ္မတလစာအဖြစ် ဦးသိန်းစိန်က တစ်လလျှင် သိန်း(၅၀)၊ ဦးရွှေမန်းက ပြည်သူ့လွှတ်တော်ဥက္ကဋ္ဌရာထူးအတွက်လစာ တစ်လလျှင်(၃၅) သိန်းရနေပြီ ဖြစ်သည်။ ထိုသို့ဆိုလျှင် ကျွန်တော်သိလိုသည်မှာ ပြည်ခိုင်ဖြိုးပါတီ ဥက္ကဋ္ဌဟောင်းနှင့် လက်ရှိဥက္ကဋ္ဌသစ်တို့သည် လက်ရှိရာထူးအတွက်လည်း လစာယူသည်။ တပ်မတော်ပင်စင် အတွက် လည်း သိန်း(၅၀)၊ (၃၅) သိန်းစသည်ဖြင့် နှစ်ပြန်နှစ်လဲယူနေကြပါသလား၊ လစာတစ်မျိုးထဲပဲ ယူပါသလား၊ လစာနှစ်မျိုးကိုတပြိုင်တည်းရယူခံစားနေကြပါလျှင် တိုင်းပြည်ဘဏ္ဍာကို ထိုသို့ရယူ ခံစားခြင်းမှာ ဖွဲ့စည်းပုံအခြေခံဥပဒေနှင့် ညီညွတ်ပါရဲ့လားဟူ၍ ဖြစ်ပေသည်။

 

နောက်ထပ်မေးခွန်းမှာ ရွေးကောက်ပွဲအတွက် မဲဆွယ်စည်းရုံးစဉ်ကာလနှင့် သက်ဆိုင်သည်။ ၂၀၁၀- ရွေးကောက်ပွဲအတွက် မဲဆွယ်စည်းရုံးရေးလုပ်ငန်းများ လုပ် ကိုင်ဆောင်ရွက်ရာတွင် ပြည်သူ လူထုကို ပြည်ခိုင်ဖြိုးပါတီက လမ်းများခင်းပေးခြင်းလည်း ပါဝင်ပါသည်။ ကျွန်တော်သိလိုသည်မှာ ထိုသို့ မဲဆွယ်စည်းရုံးမှုအဖြစ် ခင်းပေးသောကွန်ကရစ်လမ်းများသည် နိုင်ငံတော်ဘဏ္ဍာငွေဖြင့် ခင်းပေးသည်လား၊ ပြည်ခိုင်ဖြိုးပါတီ၏ ကိုယ်ပိုင်ငွေဖြင့် ခင်းပေးတာလား သိလိုရင်းဖြစ်သည်။
နိုင်ငံတော်ဘဏ္ဍာဖြင့်ခင်းပေးသည်ဆိုပါက နိုင်ငံတော်ဘဏ္ဍာကိုနိုင်ငံရေးပါတီတစ်ခု၏မဲဆွယ်စည်း ရုံးမှုအတွက် သုံးခွင့်ရှိမရှိ သိလိုပါသည်။ ပြည်ခိုင်ဖြိုးပါတီ၏ ကိုယ်ပိုင် ရန်ပုံငွေဖြင့် စေတနာသက် သက်ခင်းပေးခဲ့သည်ဟုဆိုလျှင် ကျေးဇူးတင်ပါသည်။ တစ်ခုထပ်မေးချင်သည်မှာ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီနှင့် ရန်ကုန် မြို့တော်စည်ပင်သာယာရေးကော်မတီသည် ဘိလပ်မြေ ဂိုဒေါင်တစ်ခုကို နှစ်ဖွဲ့အတူ မျှသုံးပါသလား၊ နှစ်ဖွဲ့ပူးတွဲ၍ပိုင်ဆိုင်ပါသလားဟု သိချင်စိတ်လည်း ဖြစ် ၏မိပါသည်။ အဘယ့်ကြောင့်ဆိုသော် ကျွန်တော်နေထိုင်သော မြောက်ဥက္ကလာပမြို့နယ်၊ (ဆ)ရပ် ကွက်အတွင်းမှလမ်းတစ်လမ်းကို ပြည်ခိုင်ဖြိုးပါတီမှ မဲဆွယ်သည့် အနေဖြင့် ကွန်ကရစ်လမ်းခင်း ပေးပါသည်။ ပြည်ခိုင်ဖြိုးပါတီမှခင်းပေးသည့်အတွက်ကျေးဇူးတုန့်ပြန်သောအနေဖြင့် လမ်းထဲမှ လူငယ်များ ပြည်ခိုင်ဖြိုးပါတီသို့ ၀င်ကြရပါသည်။ ပါတီတံဆိပ်ပါသော တီရှပ်အင်္ကျီများ ၀တ်ကြရပါ သည်။ လမ်းခင်းရန်အတွက် ဘိလပ်မြေထုတ်သောအခါ ကျွန်တော်တို့လမ်းထဲမှ လူဆယ်ဦးခန့် သူတို့ခေါ်သောကားဖြင့် လိုက်သွားရပါသည်။ ဘိလပ်မြေသွားထုတ်ရသောဂိုဒေါင်မှာ ရန်ကုန်မြို့ တော်စည်ပင်သာယာရေးကော်မတီမှပိုင်ဆိုင်သော အစိုးရဌာနဆိုင်ရာ ဂိုဒေါင်ဖြစ်ပါသည်။ ထို့ ကြောင့် ကျွန်တော်ယနေ့အထိမရှင်းသည်မှာ ကျွန်တော်တို့လမ်းကိုကွန်ကရစ်ခင်းပေးသူကျေးဇူး ရှင်မှာ ရန်ကုန်မြို့တော်စည်ပင် လား၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီလားဆိုသည်ကို သဲသဲကွဲကွဲမဆုံးဖြတ်တတ်ပါ။

 

နောက်ထပ်မသဲကွဲသောအချက်တစ်ခုကိုလည်း တစ်လက်စထဲ မေးပါရစေ။ ကျွန်တော်သည် ဧည့် လမ်းညွန်အဖြစ် ပုဂံဒေသဘက်သို့သွားသောအခါ အညာဒေသ (အထူးသဖြင့်) ကျောက်ပန်း တောင်းနှင့် ညောင်ဦးကြားရွာအချို့တွင် ပြည်ခိုင်ဖြိုးရွာဟူသော ကျောက်စာတိုင်လိုလို ကမ္ဗည်း မော်ကွန်းလိုလိုဆိုင်းဘုတ်များကို ရွာထိပ် ကားလမ်းနဘေး လူမြင်သာသောနေရာများတွင် မကြာ ခဏတွေ့ရပါသည်။ ပြည်ခိုင်ဖြိုးသည် နိုင်ငံရေးပါတီအဖြစ်အသွင်မကူးပြောင်းမီ ပြည်ခိုင်ဖြိုး အသင်းကြီးအဖြစ် ရှိစဉ်က နိုင်ငံတော်ဘဏ္ဍာငွေဖြင့် ရွာကိုကူညီခဲ့သဖြင့်ပြည်ခိုင်ဖြိုးရွာဟု ဂုဏ်ဖော်ကာ ကျောက်တိုင်စိုက်ထူခဲ့ခြင်းဖြစ်မည်။
သို့သော် ပြည်ခိုင်ဖြိုးသည် နာမည်၊ တံဆိပ်၊ ဆောင်ပုဒ်မပြောင်းပဲ ပြည်ခိုင်ဖြိုးအမည်ဖြင့်ပင် နိုင်ငံရေးပါတီအဖြစ် ကူးပြောင်းရောက်ရှိသွားပြီဖြစ်ရာ အရင်ခေတ် က နိုင်ငံတော်ပိုင်(ပြည်သူ့ငွေ) ဖြင့် ထောက်ပံ့ကူညီခဲ့သောကျေးရွာတစ်ရွာ၏အမည်ကို ယခုအခါ နိုင်ငံရေးပါတီ ဖြစ်နေသောပါတီ အမည်ဖြင့် ပြည်ခိုင်ဖြိုးရွာဟု ကြော်ငြာ ဆိုင်းဘုတ်ရေးထိုးထားခြင်းမှာ နိုင်ငံတော်ငွေဖြင့် ပါတီ အတွက်မဲဆွယ်နေခြင်းဖြစ်သောကြောင့် ဤကိစ္စသည် ရွေးကောက်ပွဲဥပဒေဖြင့် ညီညွတ်၏ မညီ ညွတ်၏ကို သိလိုပါသည်။
နောက်ဆုံးအနေဖြင့် ရွေးကောက်ပွဲကော်မရှင်ဥက္ကဋ္ဌ ဒုတိယဗိုလ်ချုပ်ကြီးတင်အေး (ငြိမ်း) အကြောင်းကို မေးမြန်းလိုပါသည်။ ဒုတိယဗိုလ်ချုပ်ကြီးဟောင်း ဦးတင်အေး သည် မူလက ပြည် ထောင်စုကြံ့ခိုင်ရေးနှင့်ဖွံ့ဖြိုးရေးပါတီဝင်တစ်ယောက်သာမက ပါတီထိပ်တန်းခေါင်းဆောင်တစ်ဦး ဖြစ်ပါသည်။၂၀၁၀- ရွေးကောက်ပွဲတွင် မန္တလေးတိုင်း တံတားဦးမြို့နယ်၊ ပြည်သူ့လွှတ်တော် မဲဆန္ဒ နယ်တွင် ပြည်ခိုင်ဖြိုးပါတီကိုကိုယ်စားပြု၍၀င်ရောက်ယှဉ်ပြိုင် အရွေးခံခဲ့သူ ဖြစ်ပါသည်။ လွှတ်တော်အမတ်ဖြစ်ပြီးကာမှ သမ္မတကြီးတာဝန်ပေးခန့်အပ်၍ ရွေးကောက်ပွဲကော်မရှင်ဥက္ကဋ္ဌ ဖြစ်လာ သူဖြစ်သည်။

ကျွန်တော်သိလိုသည်မှာ ရွေးကောက်ပွဲကော်မရှင်ဥက္ကဋ္ဌ ဦးတင်အေးသည် ယခုလက်ရှိတွင် ပြည်ခိုင်ဖြိုးပါတီဝင် ဖြစ်နေသေးပါသလား၊ ပါတီမှတရားဝင်နှုတ်ထွက်လိုက် ပြီလား သိလိုပါသည်။ ပါတီဝင်ဖြစ်နေသေးလျှင် ရွေးကောက်ပွဲကော်မရှင်ဥက္ကဋ္ဌ ရာထူးယူထားသူသည်နိုင်ငံရေးပါတီ တခု ခု၏ ပါတီဝင်ဖြစ်နေ၍ရမရ သိလိုပါသည်။ ပါတီမှနှုတ်ထွက်ပြီးဖြစ်သည်ဟုဆိုလျှင် သမ္မတကြီး ဦးသိန်းစိန်သည် ပြည်တွင်းပြည်ပ ခရီးစဉ်များတွင် ဦးတင်အေးကို မကြာခဏ ခေါ်ယူလိုက်ပါစေ ခြင်းသည် ကြံ့ခိုင်ရေးပါတီဝင်အချင်းချင်းမို့ ခေါ်သွားသည်လား၊ တပ်မတော် D.S.A အပတ်စဉ် (၉) ကျောင်းဆင်းဘက်ချင်းမို့ မျက်နှာသာပေးကာခေါ်သွားသည်လား သိလိုပါသည်။
ထိုသို့ တစ်ပါတီထဲမှတက်လာသူ သမ္မတနှင့် ရွေးကောက်ပွဲဒိုင်လူကြီးလုပ်မည့်သူတို့ရင်းနှီးလွန်းနေခြင်းသည် နောင်ရွေးကောက်ပွဲများတွင် ပြည်ခိုင်ဖြိုးပါတီအသာစီးရစေ ရန် အားသာချက် ဖြစ် မဖြစ် သိလိုပါသည်။ တဖန် ဦးတင်အေးက ၂၀၁၂- ကြားဖြတ် ရွေးကောက်ပွဲမဲဆွယ်စည်းရုံးစဉ် ကာလများတွင် အတိုက်အခံပါတီကြီးတစ်ခုမှ ပါတီဝင်အချို့သည် ကြယ်ငါးပွင့်အလံများကို ကိုင်ဆောင်ခဲ့ကြသဖြင့် အလံတော်ဥပဒေအရ အရေးယူ၍ရသည်၊ ကန့်ကွက်သူရှိလျှင် အရှုံးပေးပစ်မည်ဟု ပုသိမ်ခရီးစဉ် တွင် မိန့်ကြားခဲ့ပါသည်။ ထိုအခါသတိရ၍မေးလိုသည်မှာ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီညီလာခံကြီးတွင် တည်ဆဲသုံးရောင်ခြယ်နိုင်ငံတော်အလံ ကိုပြောင်းပြန် ဇောက်ထိုးလွှင့်ထူခဲ့ခြင်းကိုအလံတော်ဥပဒေအရ အရေးယူ၍ ရမရ၊ ပါတီမှအရေးယူခဲ့ခြင်း ရှိမရှိ သိလိုပါသည်။
ကျွန်တော်သိလိုသောအကြောင်းအရာ မြောက်မြားစွာ ရှိပါသေးသည်။ (ဥပမာ အစိုးရအဖွဲ့ဝင်နိုင်ငံ ခေါင်းဆောင်များနှင့် လွှတ်တော်အမတ်များ၏ပိုင်ဆိုင်မှုဓနဥစ္စာ ထုတ်ဖော်ကြေညာရေး အဆိုကို ဘာကြောင့် လွှတ်တော်တွင် ပြည်ခိုင်ဖြိုးအမတ်များကန့်ကွက်ကြသည်။ White Card ကိုင်ထား သော နိုင်ငံသားမဟုတ်သူ ဘင်္ဂလီများ မဲပေးခွင့်၊ ပါတီထောင်ခွင့်ပြုထားခြင်းကို လာမည့် ၂၀၁၅-ရွေး ကောက်ပွဲတွင် ဘယ်လိုသဘောထားသည်၊ စသည်ဖြင့်)။ သို့သော် အလုပ်မအားသည့်ကြားထဲမှ လူကြီးများ ခေါင်းခြောက်မည်စိုးသောကြောင့် ဤမျှသာ မေးခွန်းမေးလိုက်ပါသည်။ တကယ်မရှင်း၍ မေးခြင်းဖြစ်၍ ရိုင်းတာပါခဲ့လျှင် ခွင့်လွှတ်စေချင်ပါသည်။ ကျွန်တော်သိလိုသည်များကို တိတိကျကျ မှန်မှန်ကန်ကန် မြန်မြန်ဆန်ဆန် သိရသည်နှင့် ကျွန်တော်ကိုယ်တိုင်လည်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသို့ ၀င်ပါမည်။ မိသားစုကိုလည်း ၀င်စေပါမည်။ အခြားသူများကိုလည်းဝင်ဖို့ တိုက်တွန်းပါမည်။ ကျွန်တော့်အတွက် ပါတီဝင်လျှောက်လွှာတစ်စောင် ချန်ထားပေးပါခင်ဗျား။

 

Kyaw Swar Myint ၏ Facebook စာမျက်နှာမှ ယူပါသည်။

 

One thought on “အခုရှုပ်မှနောင်ရှင်း (သရ၀ဏ် -ပြည်)

Comments are closed.